Leanann an tSeirbhís um Fhorbairt Ghairmiúil do Mhúinteoirí le tacaíocht a sholáthar do mhúinteoirí trí dheiseanna leanúnacha a sholáthar don fhorbairt ghairmiúil leanúnach. I mbliana beidh soláthar oiliúna inseirbhíse ar fáil sna réimsí seo a leanas:

Seimineár ar Bhéarla mar Theanga Breise do Phríomhoidí

Mar ullmhúchán don seimineár ar Bhéarla mar Theanga Breise do Phríomhoidí, chuaigh an tSeirbhís Forbartha Gairmiúil do Bhunscoileanna (PPDS) i gcomhairle le roinnt Príomhoidí chun na gnéithe ar chóir iniúchadh a dhéanamh orthu i rith an tseimineáir a aithint. Agus eolas faighte ón Anailís Riachtanais sin beidh trí sprioc ag an seimineár:

• chun iniúchadh a dhéanamh ar ról an phríomhoide i gcomhthéacs an Bhéarla mar Theanga Breise.
• sárchleachtas maidir le réimsí comónta imní a bhreithniú agus a roinnt
• iniúchadh a dhéanamh ar an mBéarla mar Theanga Breise i gcomhthéacs scoileanna aonair

I rith an lae beidh an deis ag Príomhoidí díriú ar an tábhacht a bhaineann leis an gcéad teanga do leanaí le EAL agus a ról agus a bhfreagrachtaí a iniúchadh maidir le EAL, lena n-áirítear soláthar polasaí, measúnú, eagrú éifeachtach ar fhorbairt tacaíochta agus foirne.

Beidh deis ag rannpháirtithe chomh maith éagsúlacht cás-staidéir a athbhreithniú agus a phlé chun roinnt dea-chleachtaidh ar bhealach struchtúrtha, dírithe a spreagadh. Beidh eolas chomh maith maidir leis na seirbhísí a sholáthraíonn gníomhaíochtaí seachtracha a thacaíonn le scoileanna maidir le dreamanna nua, mar shampla, an tSeirbhís Náisiúnta Síceolaíochta Oideachais (NEPS), agus Seirbhís Dídeanaithe na nÍosánach.

Ar deireadh, beidh Príomhoidí in ann machnamh a dhéanamh ar shárchleachtas agus iad ag cinntiú cur chuige scoile uile uilechuimsitheach chuig soláthar EAL.

Seimineáir ar na Treoirlínte um Chosaint Leanaí, ROE

Cuirfear an oiliúint inseirbhísí aon-lae seo ar fáil don Duine Idirchaidrimh Ainmnithe (DLP) agus don Leas-DLP i scoileanna nár fhreastal ar sheimineáir ar Threoirlínte agus Nósanna Imeachta Chosaint Leanaí (DES, 2001) le dhá bhliain anuas.

Tá sé mar sprioc ag an seimineár stiúir agus treoir a sholáthar do phearsanra scoile maidir le cosaint leanaí. Beidh deis ag rannpháirtithe iad féin a chur ar an eolas maidir leis na nósanna imeachta chun déileáil le líomhaintí maidir le, agus amhras faoi, mí-úsáid leanaí. Tugtar forléargas ar an seimineár briste síos sa tábla thíos: